Нууцлалын бодлого

Хүчин төгөлдөр болсон: 2026 оны 10-р сарын 15

Энэхүү бодлого нь Arvai7766 Cargo-ийн вэб сайт (arvai7766.mn, new.arvai7766.mn) болон "Arvai7766 Cargo" гар утасны аппликейшнийг (цаашид "үйлчилгээ") ашиглах үед таны мэдээллийг хэрхэн цуглуулж, ашиглаж, хамгаалдгийг тайлбарлана. Бид Монгол Улсын Хувь хүний мэдээлэл хамгаалах тухай хуулийг мөрдөнө.

1. Бидний цуглуулдаг мэдээлэл

• Бүртгэлийн мэдээлэл: утасны дугаар, нууц үг (шифрлэгдсэн хэлбэрээр), нэр.
• Ачааны мэдээлэл: трак код, барааны нэр, жин, хэмжээ, төлөв, төлбөр, ажилтны авсан ачааны зураг.
• Хүргэлтийн мэдээлэл: хаяг (байр, орц, давхар, тоот, орцны код), хүлээн авагчийн утас, таны газрын зураг дээр заасан байршил, хүргүүлэх цаг.
• Төлбөрийн мэдээлэл: QPay нэхэмжлэхийн дугаар, дүн, төлөв. Таны банкны карт, дансны мэдээлэл бидэнд ирэхгүй, төлбөрийг таны банкны апп болон QPay шууд гүйцэтгэнэ.
• Төхөөрөмжийн мэдээлэл: мэдэгдэл илгээхэд хэрэгтэй push token.

2. Утасны зөвшөөрлүүд

• Камер: зөвхөн трак код, баркод уншуулахад. Зураг хадгалагдахгүй, серверт илгээгдэхгүй.
• Байршил: хүргэлтийн хаягаа газрын зураг дээр заахад болон жолооч өөрийн байршлыг харахад. Серверт зөвхөн таны өөрөө сонгосон хүргэлтийн цэг хадгалагдана. Бид таны байршлыг арын горимд хянахгүй.
• Мэдэгдэл: ачаа ирсэн, хүргэлт, төлбөрийн тухай мэдэгдэл илгээхэд.

3. Мэдээллийг ашиглах зорилго

• Ачааг бүртгэх, хянах, хүлээлгэн өгөх, хүргэх.
• Төлбөр тооцоо хийх, баримт хадгалах.
• Ачаа ирсэн, хүргэлтийн тухай SMS болон апп-ын мэдэгдэл илгээх.
• Үйлчилгээний аюулгүй байдлыг хангах, луйвраас сэргийлэх.

Бид таны мэдээллийг зар сурталчилгаанд ашиглахгүй, гуравдагч этгээдэд худалдахгүй.

4. Мэдээлэл дамжуулдаг үйлчилгээ үзүүлэгчид

• QPay: төлбөрийн нэхэмжлэх үүсгэх, төлбөр шалгах.
• Callpro: SMS илгээх (утасны дугаар, мессежийн текст).
• Google Firebase: апп руу мэдэгдэл хүргэх. Хүлээн авах код зэрэг нууц мэдээллийг Firebase-ээр дамжуулахгүй, зөвхөн апп дотор харуулна.
• OpenStreetMap: газрын зургийн зураг ачаалах.
• Хуулийн дагуу эрх бүхий байгууллагын шаардлагаар.

5. Хадгалах хугацаа

Бүртгэлийн мэдээллийг таныг бүртгэлээ устгах хүртэл хадгална. Ачаа, төлбөр, хүргэлтийн гүйлгээний бүртгэлийг нягтлан бодох бүртгэлийн хуулийн шаардлагын дагуу бүртгэл устгасны дараа ч хадгалах бөгөөд таны нэр, утастай холбогдохгүй болгоно.

6. Таны эрх

• Өөрийн мэдээллийг үзэх, засуулах.
• Бүртгэлээ устгах: вэб дээр new.arvai7766.mn/account/delete/, апп дээр Профайл → Бүртгэл устгах.
• Мэдэгдэл авахаас татгалзах: утасныхаа тохиргооноос.

7. Аюулгүй байдал

Мэдээлэл HTTPS-ээр шифрлэгдэж дамжина. Нууц үг, төлбөрийн системийн нэвтрэх мэдээлэл шифрлэгдсэн хэлбэрээр хадгалагдана. Мэдээлэлд зөвхөн ажлын шаардлагатай ажилтан хандана.

8. Холбоо барих

Нууцлалтай холбоотой асуулт, хүсэлтээ сайтын Тусламж хэсгээр эсвэл өөрийн салбараар дамжуулан илгээнэ үү. Энэ бодлого өөрчлөгдвөл энэ хуудсанд шинэчилж, огноог нь өөрчилнө.

Үйлчилгээ үзүүлэгч: Arvai7766 Cargo · Хөгжүүлэгч: Авзага ХХК